羅氏理髮

有個小故事發生在這間樓梯口小店的。

小朋友: 唔制, 唔比肥佬剪, 要瘦佬剪。
婆婆: 去啦, 唔駛等咁耐, 即刻可以剪。(瘦佬有其他客人在等, 肥佬無)
小朋友: 唔制, 肥佬剪得太核突, 我要瘦佬剪。
婆婆: 去啦, 快D剪完我買xxx比你啦。(唔記得係用咩)

(重覆擾釀十至幾十分鐘, 小朋友終於屈服)

小朋友: (扁住咀) 好啦好啦,比肥佬剪啦。
肥佬: 我唔同你剪呀!!!
婆婆: (一臉尷尬) 係米呢,都話你麻煩... ...

故事發生在2x年前了, 我就是那個小朋友... 那應是我第一次知道「莫道你在選擇人, 人亦能選擇你」的。

聽說肥佬是老闆, 所以他串得起。那次之後, 我再沒有幫襯他們了。今晚返老家食飯, 經過這間鋪, 見到「瘦佬」還在, 突然想起這件事。食飯時提起這間店子, 家母話聽說肥佬過身了, 瘦的頂了間鋪。

上一代的社區確實親密很多, 好似「18樓c座」廣播劇般, 商鋪往往跟街坊建立感情, 街坊見面總會談天說地 (也可說三道四)。現在某些地方還有這份感覺的, 請好好珍惜。